It-Tnejn, 15 ta' Jannar 2007

Tkompli l-hdima tal-Pulizija tal-Mobile
Sfrattati zewg serqiet

fi ftit minuti
Minn John Pisani

Wara li nhar is-Sibt membri mill-Iskwadra tal-Pulizija tal-Mobile salvaw il-hajja ta’ missier u iben, nhar il-Hadd fi spazju ta’ ftit minuti l-istess membri tal-mobile sfrattaw zewg serqiet b’wahda minnhom li seta’ kellha konsegwenzi gravi fin-Naxxar u fil-Mosta.
Ghal habta tat-3.00 p.m. tfajla ta’ 15-il sena li kienet id-dar wehidha fi Triq San gorg fin-Naxxar semghet il-qampiena tal-bieb izda peress li kienet wehida ittawlet permezz tas-sistema tas-sigurta’ u rat zaghzugh li ma kinitx tafu u ghalhekk ma fethitx. Ftit wara rega’ daqq il-qampiena u din id-darba meta ttawlet rat li kien hemm zewg zghazagh.
Kif dawn raw li hadd ma rrisponda assumew li ma kien hemm hadd id-dar u ghalhekk bdew biex jisgassaw il-bieb. It-tfajla kienet pronta u cemplet lill-Pulizija filwaqt li marret tistahba fuq il-bejt. Sakemm iz-zewg hallelin kienu ghadhom qieghdin jippruvaw jisgassaw il-bieb, waslet fuq il-post unit tal-Mobile. Kif iz-zewg suspettati indunaw bil-prezenza tal-Pulizija harbu minn fuq il-post. Wiehed minnhom inzamm minnufih izda l-iehor harab bil-Pulizija jigru warajh. F’hin minnhom dan waqaf, dar lejn il-Pulizija u dahhal idu fil-but biex jipprova johrog xi haga. Kien hawn li l-Pulizija sparaw tiri fl-ajru u wissew liz-zaghzugh biex johrog idejh mill-but u jieqaf, izda minflok dan rega’ dar u harab fid-direzzjoni tal-wied. Ghal darb’ ohra l-Pulizija kienu kostretti jisparaw tir iehor izda l-halliel kompla jahrab sakemm inzamm mill-Pulizija iehor. Fl-inhawil-Pulizija sabu wkoll karozza Suzuki li allegatament kienu qieghdin jaghmlu uzu minnha z-zewg suspettati.
Iz-zewg suspettati, wiehed ta’ 32 sena minn Bormla u l-iehor ta’ 20 sena mill-Isla, huma maghrufin mal-Pulizija. Fuq il-persuna ta’ dan ta’ l-ahhar il-Pulizija sabu par ingwanti li x’aktarx kien se juza biex iwettaq is-serqa. Huma ttiehdu d-Depot tal-Pulizija fejn qieghdin jigu investigati mill-Ispettur Geoffrey Azzopardi mid-DIK.
Sadanittant aktar tard il-Pulizija kienu informati li kien hemm persuna suspettuza li x’aktarx kienet qieghda ssir serqa minn dik li qabel kienet ix-showroom ta’ l-Invicta li tinsab fil-kantuniera Triq Valletta u Triq is-Sajf fil-Mosta.
Fuq il-post marret unit tal-Mobile fejn innotat vann abjad ipparkjat fi Triq is-Sajf. Kif il-Pulizija resqu vicin ma raw lill-hadd izda huwa mifhum li xi hadd qal lill-Pulizija li kien hemm ragel li kif induna li kienu gejjin il-Pulizija lehaq harab bil-mix u halla l-vann warajh. Dan x’aktarx ghamel hekk peress li l-vann irrizulta li kien misruq. Kull ma lehaz ghamel l-allegat halliel kien li kisser hgiega minn bieb.
Fiz-zewg kazi gew ukoll informati l-Pulizija tad-Distretti rispettivi.