Serq Gdid

ATTENTI!!!
Jaljenawk u jqaxruk
Minn John Pisani

F’dawn l-ahhar jiem it-Torca waslula rapporti dwar metodu gdid ta’ serq mill-makni tal-flus tal-banek maghrufin ahjar bhala ATM.
Persuni li tkellmu maghna u li sfaw vittmi qalulna li l-metodu li qieghed jintuza minn dawn l-allegat hallelin huwa li jaljenaw lil min ikun qieghed jigbed il-flus. Jidher li dawn qieghdin ikunu tlieta minn nies fejn tnejn jersqu qrib l-ATM fejn ikun hemm xi hadd se jibda’ juza l-ATM u jippretendu li qieghdin jitkellmu. Fl-istess hin wiehed minnhom jistudja n-numru personali (PIN) li l-vittma jkun qieghed jaghfas. Qabel ma l-vittma johrog il-card mill-apparat, jersaq komplici iehor u b’xi mod jaljenah. Jintuzaw metodi differenti fosthom fejn jitolbu sigarett jew lighter, il-hin jew jistaqsi xi haga dwar il-post.
Kien hemm vittmi li jew tant gew aljenati li nsew il-card warajhom u ohrajn li sakemm daru biex ikellmu lit-tielet komplici, wiehed mill-ohrajn b’heffa kbira jigbed il-card u jitlaq minn fuq il-post. Jekk il-vittma jilhaq jinduna li l-card insterqitlu u jidhol minnufih fil-fergha tal-bank jekk ikun miftuh, allura d-danni ma jkunux daqshekk kbar ghax il-bank iwaqqaf kull tranzazzjoni. Izda jekk il-vittma ma jindunax mill-ewwel jew dak il-hin il-bank ma jkunx miftuh allura l-hallelin imorru jigbdu kemm jistghu flus dak il-hin jew jistennew l-ghada. Kien hemm vittmi li hasbu li l-makna kienet gibdet il-card u ghalhekk jaghmlu rapport fil-bank.
L-istess sorsi qalulna li hafna drabi dan is-serq qieghed isir qabel xi festa, fi tmiem il-gimgha jew wara li jkunu ghalqu l-banek biex b’hekk ikolhom hin bizzejjed biex jigbdu l-flus qabel ma jsir rapport mal-bank.
Mhux maghruf jekk sarux rapporti mal-Pulizija dwar dan it-tip ta’ serq. Ghaldaqstant wiehed ghandu joqghod attent hafna meta jmur juza xi ATM u jhares ftit madwaru.