Il-Hamis, 25 ta' Jannar 2007

Tensjoni bejn il-Pulizija u s-sidien

Jitwaqqa’ bini illegali mibni

mill-ADT f’Haz-Zebbug
minn John Pisani

Nhar l-Erbgha filghodu Triq l-Imdina f’Haz-Zebbug kellha tinzamm maghluqa kwazi l-gurnata kollha minhabba azzjoni tal-MEPA, li marret biex twaqqa’ parti minn bini illegali li ttella’ mill-Awtorità Dwar it-Trasport Pubbliku. Charles Dimech, sid il-post, jallega li l-bini li marru biex iwaqqghu sar mill-ADT u dan sar biex il-Gvern ilesti malajr Triq l-Imdina.Ghal habta tat-8.15 a.m. il-Pulizija mill-Administrative Law Enforcement (ALE) immexxija mill-Ispettur Alex Miruzzi, marru fi Triq l-Imdina flimkien ma’ tliet ufficjali tal-MEPA biex jaraw li tkun ezegwita ordni biex titwaqqa’ struttura fuq il-garaxx LK Ltd ta’ Charles Dimech. Mill-bidunett deher li kien se jkun hemm rezistenza tant li fi ftit hin issejhu aktar Pulizija.
Fejn is-soltu l-MEPA tqabbad kuntrattur biex juza l-ingenji tieghu biex jitwaqqa’ bini illegali, jidher li din id-darba ma nstab hadd, tant li l-MEPA daret fuq il-Forzi Armati u l-Korp tal-Pulizija biex jintuzaw kemm l-ingenji kif ukoll is-suldati mit-Tielet Regiment biex inehhu l-istruttura.Charles Dimech ghadda lill-gurnalisti affadivit ta’ l-Avukat George Cutajar kif ukoll ftehim iffirmat mid-Direttur tad-Direttorat ta’ l-Infrastruttra tal-MEPA, il-Professur Heinrich Semar. Fl-affidavit, kif gie spjegat ukoll mill-istess Dr Cutajar, li gie fuq il-post, il-Ministru Jesmond Mugliett waqt laqgha fl-ufficcju tieghu kien wieghed li jwaqqa’ u jibni mill-gdid il-garaxx.“Il-laqgha kienet saret ghal habta ta’ Mejju 2005 fil-Ministeru tal-Perit Mugliett u prezenti kien hemm diversi ufficjali tal-MEPA fosthom il-Perit Godwin Cassar.“Irrizulta li l-Gvern kellu l-hsieb li jwessa’ Triq l-Imdina f’Haz-Zebbug b’madwar ghaxar metri u ghalhekk kien hemm il-htiega li l-garaxx ta’ Charles Dimech jitmexxa lura” qal l-Avukat Cutajar.
Skond dan l-affidavit, u li kkonferma l-bierah Dr Cutajar, huwa kien insista ma’ l-ufficjali prezenti li l-familja Dimech ghandha tkun ikkompensata ta’ dak li kienet se titlef u fil-fatt kien ippropona li jinghataw permess biex jittella’ sular iehor fuq il-garaxx il-gdid li kien se jibni l-kuntrattur. Ghal din il-proposta ma kien hemm ebda oggezzjoni tant li l-Ministru Jesmond Mugliett ta struzzjonijiet lill-Ufficjali tal-MEPA prezenti ghal-laqgha biex il-pozizzjoni tal-garaxx ta’ Dimech tigi regolarizzata u bhala kumpens tat-tehid ta’ l-art huma kellhom jaraw li jinhareg permess ghas-sular ta’ fuq. Dr Cutajar ikompli jghid li ebda ufficjali tal-MEPA ma qajjem problemi dwar permessi u dakinhar ma kienx jidher li kien se jkun hemm problemi, jghid l-affidavit.Fl-ahharnett l-affidavit ta’ Dr Cutajar jghid li “Nhar it-Tlieta, 17 ta’ Jannar, 2006, jiena personalment cempilt u kellimt lill-Ministru Mugliett fuq il-mobajl tieghu u meta fakkartu f’dak li gie mwieghed minnu fil-laqgha f’Mejju, 2005, huwa ma nnegax li kien qal dak id-diskors izda prova johrog minnha billi jaghmel referenza ghall-fatt li f’Lulju kien tressaq il-mandat ta’ inibizzjoni”.

Il-ftehim tal-Professur Semar jikkonferma t-twaqqiegh tal-garaxx ta’ Dimech minhabba li kellha tittwessa t-triq kif ukoll il-bini mill-gdid tal-garaxx. L-ADT intrabtet ukoll li tinstalla mill-gdid il-kurrent elettriku u s-servizz ta’ l-ilma kif ukoll xoghol iehor. Dan ix-xoghol kellu jibda immedjatmanet wara l-31 ta’ Lulju, 2005.

Sadanittant, Charles Dimech ipproduca wkoll kopji ta’ ritratt li ttiehed minn ufficjali tal-MEPA meta kien qieghed jinbena l-garaxx mill-kuntrattur ta’ l-ATD u f’dan ir-ritratt jidher ukoll parti mill-bini tas-sular ta’ fuq.“Il-planki u l-materjal gabuh ta’ l-ADT u meta kienu ghadhom qieghdin jibnu, hadd mill-ufficjali tal-MEPA ma gie jwaqqafhom” qal Charles Dimech.Kif wasal il-krejn tal-Pulizija dehret li s-sitwazzjoni kienet se tkun serja tant li mart Dimech sahansitra nstemghet iccempel lill-Prim Ministru Lawrence Gonzi biex jintervjeni. Izda minflok sabet lil mart il-Prim Ministru fejn talbitha biex b’mod urgenti tkellem lil Dr Gonzi. Izda kull tentattiv falla biex jintervjeni l-Prim Ministru u mart il-Prim Ministru qaltilha li zewgha kien f’laqgha. Wara xi siegha tpogga l-krejn f’postu u dak il-hin is-sitwazzjoni dehret kalma. Membri mill-Explosive Ordinance Disposal tal-FAM ghamlu tfittxija ghal xi splussiv, li rrizultat fin-negattiv. Fuq il-post waslu aktar ufficjali tal-Pulizija fosthom iz-zewg Assistenti Kummissarji Josie Brincat u Paul Sammut kif ukoll is-Supretendent Lawrence Cutajar.Kif is-suldati bdew inehhu l-planki sabu li dawn kienu se joholqu periklu. Peress li l-familja Dimech nehhiet l-arja ta’ erba’ ingenji u anke gew ipparkjati zewg vetturi biex joholqu ostakli ghax-xoghol tat-twaqqiegh, kien hemm il-biza’ li bic-ciet tal-konkrit setghu jaqghu ghal fuq dawn il-vetturi u l-ingenji. Hawn beda l-ewwel inkwiet ghax l-ingenji ma setghux jitnehhew minhabba li t-tyres kienu mnizzlin. F’12.05 p.m. l-Assistent Kummissarju Sammut ta ordni biex dawn jitnehhew. Iz-zewg vetturi tnehhew malajr mis-sid izda kien ghad baqa’ l-problema ta’ l-ingenji l-kbar li kienu pparkjati fil-proprjetà ta’ Dimech.
Ghaldaqstant ingieb tow-trakk kbir biex inehhi t-trakkijiet izda ftit minuti wara dan telaq wara li l-operatur irrifjuta li jkollu x’jaqsam ma’ l-operazzjoni. Minflok ingib il-‘low loader’ tal-Pulizija izda kif dan tressaq b’lura, Dimech, uliedu u xi persuni ohrajn intefghu quddiem it-trakk bi protesta.

Qam l-inkwiet

Hawnhekk il-Pulizija kellhom jintervjenu fejn anke kellhom juzaw il-forza necessarja biex inehhu l-membri tal-familja Dimech. Ma kinitx facli, l-iktar meta wiehed minn ulied Dimech intefa’ taht it-trakk u ma riedx johrog. Kienu diversi Pulizija li provaw jaqilghuh fejn f’hin minnhom beda jghajjat bl-ugiegh. Ftit metri ’l boghod aktar Pulizija bdew jissarraw ma’ Charles Dimech, ma’ martu u anke ma’ tifel iehor. It-tensjoni kompliet tizdied u damet madwar 20 minuta sakemm kien l-istess Dimech li nehha t-trakk wahdu u l-‘low-loader’ ukoll ma ntuzax.

Tressqu l-Qorti

Aktar tard l-Ispetturi Alex Miruzzi u Marisa Camilleri resqu l-Qorti b’arrest lil Charles Dimech u lil uliedu Ludwig u Melchior, ilkoll minn Haz-Zebbug. Huma gew akkuzati b’indhil fil-konfront tal-Pulizija u ufficjali tal-MEPA u li heddew lill-istess ufficjali tal-Pulizija u tal-MEPA. Akkuzi ohrajn huma li hebbew ghall-Pulizija u li kkawzaw feriti hfief fuq il-persuna ta’ l-Assistent Kummissarju Josie Brincat u akkuzi ohrajn. It-tliet akkuzati wiegbu li ma kinux hatjin ta’ l-akkuzi u permezz ta’ l-Avukat Cutajar talbu li jinhelsu mill-arrest. Il-Magistrat Dr Silvio Meli laqa’ t-talba tad-difiza u helishom mill-arrest fuq depozitu ta’ Lm300 kull wiehed u garanzija personali ta’ Lm10,000 kull wiehed.

Stqarrija tal-MEPA

Dwar dan il-kaz ikkummentat il-MEPA permezz ta’ stqarrija ghall-istampa. Fiha, il-MEPA spjegat li l-operazzjoni bdiet mas-sebh fejn l-ufficjali tal-MEPA, assistiti mill-Pulizija u suldati, marru fuq is-sit fi Triq l-Imdina, f’Haz-Zebbug biex inehhu strutturi illegali. Il-prezenza tal-membri tal-forzi ta’ l-ordni kienet necessarja peress li ma kien hemm ebda kuntrattur privat li xtaq li jghin lill-MEPA tnehhi l-istrutturi llegali.Fil-fatt, it-twaqqigh sar mis-suldati. L-intervent tal-Pulizija kien indispensabbli ghall-operazzjoni peress li l-izviluppatur ghamel rezistenza. Certi individwi sakkru lilhom infushom fl-istruttura illegali. Kienu l-hin kollu jheddu lill-ufficjali tal-MEPA u lill-persuni ohrajn li assistew fl-operazzjoni.Il-MEPA qalet li l-individwi attakkaw lill-Pulizija bil-forza, fejn xi pulizija kellhom jinghataw trattament ghal griehi li garrbu. Il-MEPA qalet ukoll li kienu arrestati xi persuni u li dawn tressqu l-Qorti.Il-MEPA, fl-istqarrija taghha spjegat l-azzjonijiet li ttiehdu kontra sid l-art. Hija qalet li s-sit kien gie spezzjonat ghall-ewwel darba fit-28 ta’ Ottubru, 2004 wara li saru lmenti minn persuni anonimi. Instab li s-sit kien qieghed jintuza bhala post fejn jinbieghu l-vetturi u li l-post kien mibni bi planki li ttellghu illegalment ghax ma kienx hemm permessi tal-MEPA.Il-MEPA ziedet tghid li lill-izviluppatur inhariglu Avviz ta’ Waqfien u Infurzar bin-numru ECF921/04, li nhareg fit-12 ta’ Novembru, 2004. Minhabba li s-sid m’applikax ghall-permess, il-MEPA harget Ordni Diretta fit-23 ta’ Frar, 2005. L-izviluppatur, fil-11 ta’ Marzu, 2005, kien innotifikat mill-MEPA li l-kaz tieghu kien riferut ghal azzjoni diretta u li l-MEPA tista’ taqbad u tidhol fis-sit biex tnehhi l-istrutturi illegali. Fis-27 ta’ Settembru, 2005, sid il-post kompla jibni strutturi illegali u ghaldaqstant saru diversi spezzjonijiet fuq is-sit u kien innotat li saru aktar xoghlijiet. Il-MEPA qalet li fuq il-post, ghal xi zmien kien hemm ghassa l-Pulizija, izda kif dan ma baqax hemm, l-izvilupp illegali rega’ kompla.

Baghtuni nitfa’ l-balavostri f’Haz-Zebbug

– Charles Dimech

Waqt mumenti ta’ rabja ghax kienu se jnehhulu parti mill-istruttura, Charles Dimech ghamel diversi allegazzjonijiet serji fil-konfront ta’ nies prominenti fil-Partit Nazzjonalista. Huwa rrefera ghall-kaz tat-tfigh tal-balavostri fl-1981 minn fuq il-Kazin Nazzjonalista ta’ Haz-Zebbug ghal fuq partitarji Laburisti u allegazzjoni ta’ diskriminazzjoni mill-MEPA.Charles Dimech qal li ftit ilu l-Prim Ministru Lawrence Gonzi kien baghtlu stedina fejn il-Partit Nazzjonalista fakkar l-incidenti li kienu nqaghlu fil-21 ta’ Novembru, 1981. Huwa rrifjuta din l-istedina. Dakinhar Dimech kien fost sitt persuni ohrajn li qalghu l-opramorta tal-Kazin Nazzjonalista ta’ Haz-Zebbug u qalbuhom ghal fuq partitarji Laburisti li kienu qieghdin jiehdu sehem f’demostrazzjoni politika. “Dakinhar kien hemm nies li llum ghandhom pozizzjoni gholja li baghtuni nwaddab il-balavostri” qal b’lehen gholi Dimech. Mistoqsi minn l-orizzont minn huma dawk li kien qed jirreferi ghalihom, Dimech qal li aktar tard jghidlilna kollox u jikxef anke kif hareg Lm1,000 f’xiri ta’ kompjuter lil xi hadd iehor biex hu jkun protett. Semma kif kien hu li bena kazini tal-PN u ghamel diversi pjaciri ohrajn. Dwar bini iehor illegali, Dimech allega li tul Triq l-Imidina f’Haz-Zebbug hemm diversi bini, fosthom anke bi ‘swimming pools’, li huma mibnijin minghajr il-permessi tal-MEPA.Huwa anke wera lill-gurnalisti lista tal-MEPA li turi li dan il-bini ghadu sal-lum minghajr permess izda l-MEPA u l-Pulizija mhuma jaghmlu xejn. Fost allegazzjonijiet ohrajn hu qal li hemm persuni li huma qrib sew tal-PN u li l-Awtoritajiet mhux kapaci jwaqqawlhom il-bini illegali.

Il-Ministeru ta’ Mugliett
jichad dak li hemm fl-affidavit

Filwaqt li l-Hamis filghodu kompla t-twaqqiegh ta’ l-struttura llegali li ttellghet fuq garaxx fi Triq l-Imdina f’Haz-Zebbug wara t-tensjoni li kien hemm nhar l-Erbgha, il-Ministeru ghall-Izvilupp Urban u Toroq qal li hija gidba li l-Ministru Jesmond Mugliett ta xi struzzjonijiet lill-ufficjali tal-MEPA waqt laqgha li ssemmiet fl-affidavit ta’ l-Avukat George Cutajar. Minn naha l-ohra l-familja Dimech ghamlet diversi mistoqsijiet lill-istess Ministeru.
Fi stqarrija mahruga tard l-Erbgha filghaxija l-Ministeru ghall-Izvilupp Urban u Toroq irrefera ghall-affidavit ta’ l-Avukat George Cutajar f’rapprezentanza tas-Sur Charles Dimech li tqassam lill-mezzi tax-xandir.
L-istess affidavit jirreferi ghal xoghlijiet waqt il-bini mill-gdid ta’ parti minn Triq l-Imdina f’Haz-Zebbug. Dan ix-xoghol kien jirrikjedi t-twessiegh ta’ l-istess triq u konsegwentement it-twaqqiegh ta’ parti minn struttura mal-genb tat-triq, liema struttura hija propjeta tas-Sur Dimech.
Il-Ministeru jikkonferma li f’Mejju 2005 kienet saret il-laqgha imsemmija fl-affidavit bejn ufficjali tal-MEPA, l-Awtorità Dwar it-Trasport u l-Avukat tas-Sur Dimech. L-iskop ta’ din il-laqgha kien li tinstab soluzzjoni biex ikun jista’ jitkompla x-xoghol f’din it-triq peress li s-Sur Dimech kien qieghed joggezzjona b’qawwa ghat-tehid ta’ parti mill-propjetà tieghu, liema tehid kien indispensabbli ghat-tlestija tal-progett.
Matul din il-laqgha kien inghata parir dwar x’passi kellu jiehu s-Sur Dimech biex jitfa’ applikazzjoni biex dan l-zvilupp jigi regolarizzat u sanzjonat mill-MEPA. Fl-ebda mument matul il-laqgha ma ntqal lis-Sur Dimech li din l-applikazzjoni kienet se tintefa’ f’ismu mill-ADT jew il-Ministeru u wisq inqas inghatat assikurazzjoni li s-Sur Dimech kien se jinhariglu l-permess li kien jehtieg mill-MEPA. Hija ghalhekk gidba li l-Ministru Jesmond Mugliett ta xi struzzjonijiet lill-ufficjali tal-MEPA f’dan ir-rigward. L-anqas ma gie diskuss ebda ftehim ta’ kumpens waqt din il-laqgha, qalet l-istqarrija tal-Ministeru.
Ta’ min isemmi li minkejja li saret din il-laqgha, is-Sur Dimech kompla jtellef it-tkomplija tax-xoghol fuq Triq l-Imdina. Dan ghamlu permezz ta’ mandat ta’ inibizzjoni fil-Qrati f’Lulju 2005 kontra l-Ministru Mugliett u l-ADT liema mandat intilef mis-Sur Dimech. Huwa kurjuz li wiehed jinnota li dan il-mandat kien tressaq xahrejn biss wara li sar l-allegat ftehim mal-Ministru Mugliett li huwa kkwotat fl-affidavit ta’ l-Avukat Cutajar.
It-tfixkil min-naha tas-Sur Dimech kompla wkoll permezz ta’ theddid kontinwu kontra ufficjali ta’ l-ADT, il-kuntratturi u anke l-haddiema taghhom.
Wara l-mandat ta’ inibizzjoni ma saru ebda diskussjonijiet ohrajn bejn il-Ministru Mugliett u s-Sur Dimech dwar il-bini in-kwistjoni sakemm inhareg avviz ta’ infurzar mill-MEPA fuq dan l-izvilupp. Wara l-hrug ta’ dan l-avviz, is-Sur Dimech kemm–il darba cempel lill-Ministru Mugliett biex jghinu jevita t-twaqqiegh ta’ l-ewwel sular. Il-Ministru kien kostantement isostni l-parir li s-Sur Dimech ma kellu ebda triq ohra hlief li jwaqqa’ l-ewwel sular – xi haga li s-Sur Dimech irrifjuta li jaghmel.
F’dan l-istadju, il-Ministru Mugliett qieghed jikkunsidra x’passi legali jista’ jiehu fil-konfront tas-Sur Dimech u r-rapprezentant legali tieghu, l-Avukat Cutajar, ittemm tghid l-istqarrija.

Il-familja Dimech tirrispondi b'ghadd ta' mistoqsijiet

Sadanittant il-familja Dimech irrispondiet lill-Ministeru ghall-Izvilupp Urban u Toroq permezz ta’ stqarrija mahruga mill-Avukat Cutajar. F’din l-istqarrija Dr Cutajar qal li konventanjament il-Ministeru naqas mill-indirizza fatti dwar dan il-kaz. Il-familja Dimech pogiet diversi mistoqsjiet li jekk il-Ministru ta’ Mugliett jirrispondi b’mod car allura certi dubji jistghu jitnehhew. Huma staqsew jekk il-Ministeru jichadx il-fatt li l-bini li kellu Dimech kien kopert minn permess validu tal-PAPB li nhareg snin ilu u li n-negozju li kien isir fih kellux il-licenzja tal-Pulizija mill-1972?Il-Ministru jichad li dan il-bini twaqqa’ minn kuntrattur imqabbad mill-ADT?Jichad li l-bini l-gdid inbena mill-istess kuntrattur ta’ l-ADT minghajr ebda spejjez ghall-familja Dimech? Il-Ministeru qieghed jghid li mhux jaccetta l-obligazzjonijiet li dahal ghalihom il-Professur Semar jew li l-istess Semar ma kienx awtorizzat mill-ADT? Il-Ministeru pretenda li Dimech ikompli bil-kawza legali meta kellu f’idejh l-ittra tal-Professur Semar li tiggarantixxi li x-xoghol kien se jsir?
Aktar minn hekk, tkompli l-istqarrija, ikun interessanti jekk il-Ministeru ghall-Izvilupp Urban u Toroq jghid pubblikament jekk l-ADT kelliex il-permessi validi mill-MEPA biex taghmel ix-xoghol fi Triq l-Imdina fl-istess hin li l-propjetà ta’ Dimech twaqqghet. Dr Cutajar staqsa jekk il-Ministeru ppretendix li Dimech ma jitlobx garanzija ta’ kumpens xieraq qabel ma jaccetta li jitwaqqalu l-garaxx li kellu qabel.
Huwa staqsa wkoll jekk il-Ministeru ppretendix li cittadin ordinarju japplika ghal permess minghand il-MEPA biex iwaqqa’ u jerga’ jibni mill-gdid propjetà meta x-xoghol kellu jsir minn entità governattiva bhal ma hi l-ADT. Izda minkejja l-allegat irregolaritatjiet, il-MEPA ghamlet tentattiv biex twaqqaf ix-xoghol sakemm il-progett jitlesta?
Fl-ahharnett Dr George Cutajar qal li t-theddida li ghamel il-Ministru Jesmond Mugliett fil-konfront ta’ Charles Dimech u fil-konfront tieghu, bhala l-avukat ta’ Dimech, saritx bl-intenzjoni li tpoggi sarima ma’ halq il-professjonisti li jazzardaw jiehduha kontra l-Amministrazzjoni, itemm tghid l-istqarrija.

Terga' l-MEPA

Il-MEPA hasset li kellha tohrog stqarrija ohra li fiha kkonfermat li t-twaqiegh tkompla l-Hamis filghodu u li mistenni jasal fi tmiemu ll-Gimgha. Il-MEPA qalet li l-operazzjoni sabet ostilità minn naha tas-sidien u kien bl-intervent tal-Pulizija u l-Forzi Armati li l-ufficjali tal-MEPA setghu jaraw li l-ligi tkun implimentata u l-bini llegali jitnehha.
Ic-Cermen tal-MEPA, Andrew Calleja, qal li l-Awtorità tiddeplora l-attitudni tas-sidien u l-MEPA se tibqa’ taghmel mill-ahjar li tista’ biex mhux biss tassigura s-sigurtà tal-haddiema imma tigarantixxi li l-ligi tigi rispettata biex il-pubbliku jinghata l-ahjar ambjent li jixxraqlu. Huwa ferah lill-ufficjali tal-MEPA li wettqu hidmithom b’mod ezemplari minkejja l-intimidazzjoni li kienu soggetti ghaliha. Andrew Calleja irringrazzja wkoll lill-Korp tal-Pulizija u lill-Forzi Armati ghas-sapport li taw f’din l-operazzjoni.