Il-Hadd, 21 ta' Jannar 2007

Il-Maltin stmati daqs terroristi
Ghall-Gvern Amerikan,
Malta hija “pajjiz suspettuz”
Minn JOHN PISANI

• Minkejja li ghaddew sena u tliet xhur mindu l-Prim Ministru Lawrence Gonzi u l-President Amerikan George W. Bush iddiskutew il-possibiltà li titnehha l-viza biex cittadini Maltin ikunu jistghu jidhlu fl-Istati Uniti ta’ l-Amerika, s’issa s-sitwazzjoni ghadha l-istess. Anzi mhux talli ma sar l-ebda progress talli ghall-Gvern Amerikan ta’ George W. Bush, Malta hija meqjusa bhala “pajjiz suspettuz” daqs li kieku konna l-Iraq jew xi qabda “Osama Bin Laden”.
Diversi Maltin li jsiefru lejn l-Istati Uniti ta’ l-Amerika bi btala jew b’negozju, jafu li biex jidhlu fil-pajjiz li l-Amerikani jsejhulu “The land of the free” (L-art tal-helsien jew libertà), iridu bilfrors jaghmlu viza li tiswa’ Lm36. Din tinkiseb mill-Ambaxxata Amerikana wara li jittiehdulek il-marki tas-swaba, ritratti u jsiru jaru fuqek kemm f’wiccek u minn wara darek kif ukoll fuq ir-razza kollha tieghek. Jekk tmur ghal btala allura l-viza tkun tghodd ghal ghaxar snin izda jekk tkun gurnalist tintalab thallas xorta Lm36 izda l-viza tkun valida ghal xahar biss.
Izda minkejja l-hafna kliem sabih ta’ l-Amerikani fuq Malta u l-Maltin, l-istess Amerikani lilna l-Maltin ma jafdawnix. Persuni li tkellmu maghna u li dan l-ahhar marru btala ghand qrabathom fi New York qalulna li baqghu skantati dak li raw fl-Ajruport ta’ Gatwick, f’Londra qabel dahlu fis-sala tat-tluq biex jaqbdu l-ajuplan lejn New York. Waqt li kienu qieghdin jigu mistoqsijin hafna domandi, xi hadd fettilu jhares lejn il-computer. Ghal-ewwel haseb li kien qieghed jara hazin izda meta gibed l-attenzjoni ta’ siehbu u anke dan ta titwilla, it-tnejn raw li fuq il-monitor kien hemm miktub “MALTA – SUSPECIOUS COUNTRY” (Malta – Pajjiz susepettuz).
“Li kieku mhux ghax kienu jhalluna l-art konna se nghidulhom min huwa suspettuz”, qalilna s-sors li tkellem maghna.
Minhabba l-biza enormi li hakmu l-poplu Amerikan wara l-attakk terroristiku tad-9 ta’ Settembru, ghall-Amerikani anke ahna l-Maltin jittrattawna qisna terroristi. Mhux biss il-Maltin minn Malta qieghdin isibu problemi izda anke dawk li jghixu l-Kanada.
Qarrej tat-Torca kitbilna u qalilna li ghall-festi tal-Milied hu u martu, li hija Maltija u ilha tghix b’mod permanenti u bil-permessi kollha mehtiega ghal dawn l-ahhar 18-il sena fil-Kanada, inzammet mill-tidhol fl-Amerika.
Dan il-qarrej qalilna li hekk kif waslu fil-fruntiera gew mitluba d-dokumenti u l-passaport. Bhal kull Malti-Kanadiz li jghix fil-Kanada u jkollhom il-permess li jghixu l-Kanada, ma jkunx hemm bzonn ta’ viza biex jaqsmu l-fruntiera. Izda minn wara l-attakk terroristiku tad-9 ta’ Settembru, anke dawn il-Maltin mhumiex jithallew jidhlu fl-Amerika jekk ma jkollhomx viza mahruga mill-Gvern Amerikan.
Din il-koppja nzammet ghal sighat twal minn ufficjal ta’ l-immigrazzjoni milli jidhlu fl-Amerika minkejja li r-ragel huwa cittadin Kanadiz u l-qraba ta’ martu huma cittadini Amerikani. Ghaldaqstant dan is-sors qieghed jistaqsi ghala l-Maltin ghadhom obbligati li jkollhom il-viza qisna xi poplu mimli bit-terroristi.
Mill-25 pajjiz membru ta’ l-UE, il-Grecja u s-Slovenja flimkien ma’ Malta li c-cittadini rispettivi taghhom huma obbligati li jkollhom viza biex jidhlu l-Amerika. Meta fit-13 ta’ Ottubru 2005 il-Prim Ministru Gonzi lltaqa’ ma’ l-President Bush fil-White House, Dr Gonzi kien qal li waqt din il-laqgha kien hemm zvilupp gdid fejn il-Gvern Malti nghata ‘Road Map’ li ghandha twassal biex il-hrug ta’ viza ghal dawk li ghandhom passaport Malti ma jkunx hemm bzonnha iktar.
Jidher li din it-triq hija hafna aktar twila minn dik li provaw jaghtu l-impressjoni l-Prim Ministru Gonzi u l-President Bush.
Ufficjal fil-Ministeru ta’ l-Affarijiet Barranin, li ghal ragunijiet ta’ sigurtà mhux qieghdin nizvelaw ismu, ammetta ma’ din il-gazzetta li l-Gvern Amerikan jidher li mhux se jiccaqlaq mill-pozizzjoni tieghu dwar it-tnehhija tal-viza ghall-Maltin u dawk li ghandhom passaport Malti. Ir-ragunijiet ewlenini huma r-rabta li Malta ghandha mal-Libja kif ukoll id-dhul ta’ l-immigranti llegali f’Malta li kollha jigu Malta minghajr ebda dokumenti.
“Il-hazin huwa li filwaqt li l-Gvern Amerikan qieghed jistmana daqs li kieku ahna terroristi, il-Gvern Malti jibqa’ jhalli l-bieb miftuh berah ghall-Amerikani”, qalilna dan l-ufficjal.
Huwa kompla jghid li l-Amerikani jahsbu li jisthgu jiddettaw lid-dinja kollha. Jahsbu li minghajr l-Amerika d-Dinja tieqaf u li kulhadd irid ibaxxi rasu u jilaqhom. Jghidu li huma mhumiex terroristi u ma joqtlu lil hadd. “Bizzejjed ihares lejn l-istorja ta’ l-Amerika u jara kemm mietu Amerikani fil-Vjetnam u fil-prezent fl-Iraq.
Dan l-ufficjal forsi laqat il-musmar fuq rasu meta qalilna – “Wasal iz-zmien li l-poplu Malti jigi stmat minn kulhadd. Mhux ghax zghar kulhadd irid jaghmel bina li jrid. Jekk l-Amerikani lilna l-Maltin ma jafdawnix, allura l-istess ghandu jaghmel il-Gvern Malti u jibda jitlob il-viza lil kull Amerikan li jrid jigi Malta.
Immagina li jkun hemm xi hadd li lilek f’wiccek jghidlek li ma jafdakx f’daru izda meta jaqbad u jidhol f’darek u jippretendi li sservih u minn fuq tghidlu grazzi talli gejt, ejja oqghod”.