HOLD-UP IEHOR

Anzjana mhedda b’pistola ma’ rasha
Minn JOHN PISANI

Anzjana ta’ 63 sena mill-Mosta sfat mhedda b’pistola ma’ rasha minn zewg hallelin li dahlu fuqha u serqulha aktar minn Lm1,000 fi flus.
Dan il-hold-up sehh il-bierah ghal habta ta’ 11.50 a.m. fi Triq Brittannja fil-Mosta. Dak il-hin l-anzjana kienet wehidha fid-dar meta semghet tahbita mal-bieb u meta staqsiet min kien hemm, wiehed mill-hallelin qalilha li kienu “tad-dawl”.
Kif il-mara fethet sabet ma’ wiccha zewgt irgiel ta’ bejn il-25 u t-30 sena. Wiehed minnhom imbuttaha ’l gewwa u beda jheddida li kien se joqtolha jekk ma ttihomx il-flus. Filwaqt li dak li kien armat pogga l-pistola ma’ ras l-anzjana, il-komplici l-iehor beda jqalleb fil-kamra tas-sodda u anke fis-salott. Meta dan ma sabx il-flus, l-iehor kompla jhedded lill-mara u jidher li minhabba li kienet itterrorizata cediet ghat-theddid u qaltilhom fejn kellha l-flus.
Il-hallelin, li ma kellhomx wicchom mghotti, harbu minn fuq il-post b’aktar minn Lm1,000 fi flus u hallew lill-anzjana b’xokk fuqha. Ftit tal-hin wara wasal ir-ragel tal-vittma fejn sab lill-martu b’xokk kbir fuqha u cempel lill-Pulizija.
Fuq il-post marru l-Pulizija mill-Ghassa tal-Mosta mmexxija mill-Ispettur Anzjan Paul Bond flimkien mas-Surgent Geoffrey Attard McCarty li bdew bl-isharrig taghhom. B’dan il-hold-up, il-hames wiehed din is-sena, gew informati wkoll il-Pulizija mill-Iskwadra ta’ Kontra l-Hold-ups immexxija mill-Ispettur Joseph Mercieca. Il-Magistrat Dr Silvio Meli ordna inkjesta u hatar lill-Perit Richard Aquilina flimkien ma’ l-Ufficjali tax-Xena tar-Reat bhala esperti tal-Qorti.