Fatalita' fil-Mosta

Zaghzugh imut fuq il-post
u siehbu fil-periklu tal-mewt
minn JOHN PISANI

Zaghzugh ta’ 19-il sena tilef hajtu f’accident tat-traffiku u siehbu ta’ 27 sena jinsab fil-periklu tal-mewt wara li l-vettura li kienu fiha baqghet diehla f’karozza bi tliet turisti u li kienet gejja mid-direzzjoni opposta.
L-accident sehh is-Sibt ghal habta tas-1.06 p.m. fi Triq iz-Zebbiegh li mill-Mosta taghti ghal Imgarr. Il-vittma, Keith Mizzi ta’ 19-il sena mill-Msida kien qieghed isuq il-karozza ta’ siehbu, vann Ford Escort, x’aktarx minhabba li siehbu, Lawrence Muscat ta’ 27 sena wkoll mill-Msida, kien xorob xi ftit. Jirrizulta li z-zewg zghazagh kienu sejrin fid-direzzjoni tal-Mosta u hekk kif waslu f’parti li hija ftit ghat-telgha u hemm lilwa, Mizzi qabad il-bankina, tilef il-kontroll tal-Ford Escort u mar fuq il-naha l-ohra tat-triq. Dak il-hin kienet gejja karozza Kia Picanto misjuqa minn Keith Porter, Ingliz ta’ 43 sena. Mieghu kellu lill-Annette Quinn, Irlandiza ta’ 44 sena u t-tifla ta’ Keith, Margaret Porter ta’ tmin snin li kienet riekba fuq is-seat ta’ wara.
L-impatt kien qawwi hafna tant li mad-daqqa Mizzi sofra griehi gravi u miet fuq il-post. Muscat ukoll sofra griehi gravi u jinsab fil-periklu tal-mewt. L-ewwel ghajnuna li nghatat kienet minn zewg koppji li nzertaw ghaddejjin bil-karozza u minhabba li raw xi duhhan waqfu u hargu lit-tifla u zammewha fil-karozza taghhom sakemm waslet l-ghajnuna. Ghalkemm mhux persuna medika, il-Professur Alfred Vella, espert fil-kimika u n-nirien, waqaf jassisti kif seta’.
Fuq il-post issejhu tliet ambulanzi bit-tim mediku ta’ l-ERT immexxija minn Dr Jonathan Joslin u diversi infermieri kif ukoll il-membri tal-Protezzjoni Civili mmexxija mill-ufficjal Natalino Bezzina. Fuq il-post kien hemm ukoll id-Direttur tad-DPC Peter Cordina. Il-Pulizija tal-Mobile u tat-Traffiku, immexxija mill-Ispettur Stephen Micallef, ghalqu t-triq miz-zewg nahat biex it-tim ta’ salvatagg seta’ jibda jahdem biex johrog lill-barranin minn qalb it-tifrik peress li Muscat inhareg malajr mill-Escort. Il-Pulizija tad-Distrett, immexxija mill-Ispettur Anzjan Paul Bond flimkien mas-Surgent Shaun Tabone wkoll kienu fuq il-post biex jinvestigaw l-accident.
L-ewwel ma ttiehed l-Isptar San Luqa kien Muscat filwaqt li Keith Porter twassal b’ambulanza ohra u l-Irlandiza u t-tifla b’ambulanza ohra. Meta kienu ezaminati, Muscat instab li kien fil-periklu tal-mewt filwaqt li t-tliet barranin kienu qieghdin isofru minn griehi gravi izda ma kienux fil-periklu tal-mewt.Ix-xena taz-zewg vetturi, litteralment imfarkin u bil-kadavru taz-zaghzugh Keith Mizzi mghaffeg ma’ l-isteering, kienet xhieda tal-gravita’ ta’ l-accident.
Il-Magistrat Dr Consuelo Scerri Herrera mexxiet l-access fuq il-post mghejjuna mill-Perit Richard Aquilina, it-Tekniku Joe Zammit, l-Avukat Vincent Galea u t-tabib forensiku Mario Scerri flimkien ma’ l-Ufficjali tax-Xena tar-Reat. Wara li tlesta l-access iz-zewg karozzi ttiehdub’zewg lowloaders tal-Pulizija ghal aktar stharrig filwaqt li l-kadavru ta’ Mizzi ttiehed bil-hearse lejn il-kamra mortwarja ta’ l-Isptar San Luqa .

Kienu diversi persuni u anke Pulizija li nstemghu jghidu li f’dik it-triq hemm bzonn li jsir xi haga forsi anke tigi installata speed camera biex jinqatghu l-abbuz tas-sewqan b’velocita’ eccessiva. Ghalkemm dan kien l-ewwel accident li sehh din is-sena fejn halla persuna mejta fuq il-post, jista’ jinghad li fil-fatt Keith Mizzi huwa t-tieni persuna li mietet kawza ta’ accident din is-sena. Richard Godfrey Attard ta’ 43 sena minn Birkirkara miet tard it-Tnejn, 1 ta’ Jannar fit-Taqsima tal-Kura Intensiva ta’ l-Isptar San Luqa kawza tal-griehi gravi li sofra meta safa mtajjar minn karozza f’San Giljan. L-accident sehh nhar il-Hamis, 21 ta’ Dicembru ghal habta tas-2.10 a.m. Minkejja li l-accident sehh is-sena l-ohra dan jista’ jitqies bhala l-ewwel fatalità ta’ din is-sena.