Viza ghall-Maltin

Il-Viza lejn l-Istati Uniti ta’ l-Amerika
Il-Maltin fdati mill-Amerikani….
allura mill-Inglizi le?
Minn JOHN PISANI

• L-istorja dwar kif il-Gvern ta’ l-Istati Uniti ta’ l-Amerika jhares lejn il-poplu Malti, hadet xejra differenti wara mistoqsijiet li baghtna lill-Ambaxxata Amerikana f’Malta. Issa jidher li mhux l-Amerikani ma jafdax lill-Maltin izda huma l-Inglizi u l-linja ta’ l-ajru Ingliza.
Staqsejna lill-Ambaxxatrici Amerikana, Molly Bordanaro, ghala l-Gvern Amerikan iqis lill-Malta bhala “pajjiz suspettuz” wara li fuq komputer fl-Ajruport ta’ Gatwick, fl-Ingilterra, Malta hija meqjusa bhala “suspicious country”. Dan il-messagg tela’ fuq il-komputer u li rawh is-sorsi taghna meta kienu se jghaddu mis-sala tat-tluq fl-Ajruport ta’ Gatwick fl-Ingilterra biex imorru lejn New York.
L-Ambaxxata qalulna li l-Istati Uniti ma tikkunsidrax lill-Malta bhala pajjiz suspettuz. Minn naha l-ohra ma jistghux jikkummentaw fuq x’jista’ jezisti fuq kompjuter barrani f’ajruport barrani.
Ghaldaqstant dan iwassal ghal konkluzzjonijiet ohrajn fosthom li jew il-Gvern Ingliz, li sa l-1979 kienu jahkmu lill-pajjizna, jew il-linja ta’ l-ajru British Airways li ma tafdax lill-poplu Malti. Sorsi li tkellmu maghna qalulna hija difficli li wiehed jifhem kif il-Gvern Ingliz jew il-linja ta’ l-ajru Ingliza ma tafdax lill-Maltin.
L-istess sorsi qalulna li kieku huwa l-Gvern Ingliz li ma jafdax lill-Maltin jew il-British Airways, kieku dawk il-Maltin li ta’ kuljum isiefru lejn l-Ingilterra u anke juzaw din il-linja ta’ l-ajru, kieku jghaddu mill-istess sitwazzjoni qabel jitilqu minn Malta. Il-mistoqsijiet li jsiru f’Gatwick isiru lil dawk li jkunu se jmorru lejn l-Istati Uniti u mhux biex jidhlu l-Ingilterra. Kollox jidher li l-ordni jew it-talba biex il-Maltin ikunu interrogati u anke mnizzlin bhala “pajjiz suspettuz” gej mill-Gvern Amerikan u kemm l-Inglizi kif ukoll il-British Airways kull ma qieghdin jaghmlu huma li jsegwu struzzjonijiet.
Ghaldaqastant ma jaghmilx sens kif pajjiz ta’ l-Unjoni Ewropea jasal biex ma jafdax pajjiz iehor membru meta biex wiehed imur lejn l-Ingilterra kull m’ghandu bzonn huwa l-karta ta’ l-identità, la passaport u lanqas viza. Tkun tal-misthija jekk jirrizulta li m’ahniex fdati mill-Gvern Ingliz u l-Gvern Malti jibqa’ fommu sieket, qalulna s-sorsi.
Staqsejna wkoll lill-Ambaxxata Amerikana jekk jafux b’xi hadd f’Malta li huwa perikoluz. Ir-risposta kienet li fid-dinja tal-lum l-ebda pajjiz ma huwa protett mill-possibiltà li xi persuni perikoluzi jghixu fih jew jghaddu minnu. Malta taghmel xoghol ezemplari fil-hidma biex thares it-territorju taghha ghalhekk il-possibiltà li xi persuni perikoluzi jew xi terroristi jidhlu fil-pajjiz hija hafna inqas minn ta’ pajjizi ohrajn.
Staqsejna wkoll ghala cittadini Maltin li jghix l-Kanada wkoll qieghdin isibu problemi meta jmorru biex jaqsmu l-fruntiera lejn l-Istati Uniti, l-Ambaxxata qalulna li cittadini Maltin li jsiefru fuq passaporti Maltin ghandhom bzonn viza biex jidhlu fl-Istati Uniti. Malta qieghda tahdem biex tintroduci il-kriterji mehtiega mid-dinja kollha biex tissieheb fil-Visa Waiver Program, inkluz l-uzu tal-passporti bijometrici.
Dwar x’progress sar f’dak li kien imwieghed kwazi sentejn ilu mill-President George W. Bush meta ltaqa’ mal-Prim Ministru Lawrence Gonzi, skond l-Ambaxxata l-Gvern Malti qieghed jaghmel progress enormi biex jintlahqu l-kundizzjonijiet kollha mnizzla fir-Road Map. Il-kundizzjonijiet japplikaw ghall-pajjizi kollha li jaspiraw li jissiehbu fil-Visa Waiver Program. L-Istati Uniti hiji lesta li timpenja ruhha li tintrabat bl-istess kundizzjonijiet ta’ sigurtà li hi qieghda titlob minn dawn il-pajjizi. Fil-fatt, il-Gvern Malti tant qieghed jaghmel progess f’dawn il-kundizzjonijiet li Malta hija wahda mill-pajjizi li qeghdin fuq quddiemnett biex jigu kkunsidrati li jidhlu meta l-programm jikber, temmet tghidilna l-Ambaxxata.